تعارف بلحاظ شغل و قابلیت

اویس پراچہ

وفقہ اللہ
رکن
السلام علیکم و رحمۃ اللہ و برکاتہ
یہ تھریڈ اس لیے ہے کہ ہم سب یہاں اپنا تعارف کروائیں۔ یہ تعارف اپنی تعلیم، مہارت، قابلیت اور موجودہ مشغولیات کے حساب سے ہو تاکہ ایک دوسرے سے کچھ سیکھنا چاہیں تو بآسانی سیکھ سکیں۔
یاد رہے کہ اس تھریڈ میں "کسر نفسی" نہیں چلے گی۔
@محمدداؤدالرحمن علی بھائی! آپ اراکین کو یہاں ٹیگ کر دیں۔
 

imani9009

وفقہ اللہ
رکن
میرا نام محمد عبداللہ بی ایس سی الیکٹریکل انجینئرنگ کی ہے۔ اور اس وقت واپڈا میں ملازمت ہے۔اور کافی عرصہ سے امام ابوحنیفہ کے دلائل کو پڑھ رہا ہوں۔
 

اویس پراچہ

وفقہ اللہ
رکن
میرا نام محمد اویس پراچہ ہے۔
دینی تعلیم: فقہ المعاملات المالیہ (یعنی مالی معاملات کے مسائل) میں تخصص کر رہا ہوں۔ یہ جامعۃ الرشید کا ایک شعبہ ہے اور اس تخصص میں مالی معاملات کے حل کو ترجیح دی جاتی ہے اگرچہ دیگر ابواب میں بھی افتاء کی تمرین ہوتی ہے۔ یہ میرا آخری سال ہے اس تخصص میں۔ اس سے پہلے درس نظامی کیا ہے۔
دنیاوی تعلیم: ایم بی اے کر رہا ہوں۔ اس میں مینجمنٹ کے مختلف مضامین پڑھتے ہیں۔ اس سے متعلقہ علوم مثلاً اکاؤنٹنگ، ریاضی وغیرہ بھی ہوتے ہیں۔

دینی علوم میں مہارت اور دلچسپی:
تفسیر، حدیث، اصول حدیث، فقہ اور اصول فقہ سے دلچسپی ہے۔ مہارت تامہ تو ظاہر ہے بطور طالب علم کے کسی میں نہیں ہے البتہ فقہ میں تخصص کی وجہ سے اس کی کچھ نہ کچھ جانکاری ہے۔ اصول حدیث اور جرح و تعدیل سے مناسبت زیادہ ہے اور شوقیہ ان کا مطالعہ اور ان پر بات چیت بھی تقریبا چار یا پانچ سال سے جاری ہے۔ شروع میں بہت زیادہ مطالعے کی وجہ سے ان پر کچھ نہ کچھ گرفت ہو گئی تھی۔ پھر تخصص اور ایم بی اے کی مصروفیات میں لگ کر تھوڑی دوری ہو گئی۔ آئندہ اس موضوع پر کام کرنے کا ارادہ ہے۔

دنیاوی علوم میں دلچسپی:
اگر میں یہ کہوں کہ دنیاوی علوم میں مجھے کمپیوٹر کے علاوہ کسی چیز سے دلچسپی نہیں ہے تو یہ مناسب ہوگا۔ اور کمپیوٹر سے حد سے زیادہ دلچسپی ہے لیکن وقت کی کمی کی وجہ سے اسے بھی وقت نہیں دے پاتا۔ آج کل لینکس کو تھوڑا تھوڑا پڑھنا شروع کیا ہے۔ کچھ وقت ملے گا تو اسے مکمل پڑھوں گا۔

مشغولیت:
مشغولیت تو آج کل تخصص اور ایم بی اے کی ہی ہے۔ ساتھ میں فیملی کا کنسٹرکشن کا بزنس بھی تھوڑا بہت دیکھتا ہوں تو علمی ابحاث اور تحقیقات (خصوصاً اختلافی مسائل میں) کے لیے بہت کم وقت ملتا ہے۔ یہی وجہ ہے کہ فورمز یا انٹرنیٹ پر بھی اس حوالے سے کم کام کرتا ہوں۔
 

اویس پراچہ

وفقہ اللہ
رکن
میرا نام محمد عبداللہ بی ایس سی الیکٹریکل انجینئرنگ کی ہے۔ اور اس وقت واپڈا میں ملازمت ہے۔اور کافی عرصہ سے امام ابوحنیفہ کے دلائل کو پڑھ رہا ہوں۔
جزاک اللہ خیرا
اس سلسلے میں آپ نے کون کون سی کتابیں پڑھی ہیں اور آپ اصل کتب سے دلائل پڑھ رہے ہیں یا اردو کتب وغیرہ سے؟
 

imani9009

وفقہ اللہ
رکن
جزاک اللہ خیرا
اس سلسلے میں آپ نے کون کون سی کتابیں پڑھی ہیں اور آپ اصل کتب سے دلائل پڑھ رہے ہیں یا اردو کتب وغیرہ سے؟
عربی سے زیادہ نہیں آتی البتہ میں نے محترم عامر سہیل فیصل آبادی کے عربی لیکچر سنے ہیں پریکٹس کی مزید ضرورت ہے۔ کتابیں زیادہ تر احادیث کی شروحات ہی ہیں احادیث کے ساتھ اکثر مذاہب آئمہ بھی لکھے ہوتے ہیں۔ جہاں سے مسائل پڑھتا رہتا ہوں۔ ان کتابوں کا لنک میں پہلے دے چکا ہوں۔ اس کے باقی کتابیں بھی پڑھتا رہتا ہوں پورا فولڈر جس میں ہر طرح کی کتابیں شامل ہیں یہ ہے
 
Top