معززقارئین وذمہ داران الغزالی
السلام علیکم ورحمۃ اللہ وبرکاتہ
خداکرے آپ تمام صاحبان قدردان بخیروعافیت ہوں!السلام علیکم ورحمۃ اللہ وبرکاتہ
شبانہ روزکی مصروفیات کے باعث میں توایک عرصہ سے فورم سے دیدہ ودانستہ غائب تھاکیونکہ مصروفیات ناقابل بیان حدتک ہیں پورے دن پڑھانا،خارجی اوقات میں آئینۂ مظاہرعلوم کی ادارت اوررسالہ کی تیاری کی ذمہ داریاں،پھردیگرذاتی مصروفیات،ادھرادھرکے ڈھیرسارے اخبارات ورسائل کی فرمائشیں،تقریظات،مدرسہ کی طرف سے اپنے اپنے مدرسہ کے لئے تائیدات،ملنے ملانے والوں سے بھی ملاقات ،پھرمطالعہ وکتب بینی اورذاتی تحریری اموراوردرمیان میں اسفارکہاں تک گنواؤں ؟سچ تویہ ہے کبھی بچپن میں مجھ سے میری ماں اگرکوئی کام کہتیں اورمیں نہ کرپاتاپھرپوچھتیں اورمیں بھول جانے کابہانہ کرتاتوغصہ سے کہتیں کہ ’’کھاناکھانانہیں بھولتا‘‘اب سمجھ میں آیاکھ بچہ کھاناکھانابھول جاتاہے مگرماں ہی کھلانانہیں بھولتی۔خیرآج حال یہ ہے کہ کھاناکھانابھول جاتاہوں،کبھی کوئی بچہ یاددلادیتاہے توکبھی کوئی شاگردرشیداوراس طرح جیسے تیسے کام چل جاتاہے۔ایسے حالات میں آپ سوچیں کہ قاسمی صاحب نے کولمبس بن کرمجھ کوکیسے ڈھونڈنکالایہ وہی جانتے ہوں گے۔
اب جب کہ امریکہ کی طرح دریافت ہوہی گیاہوں تواپناوجودثابت کرنے کی ضرورت ہے ۔مجھے خطرہ کوئی صوفی جی ’’لاموجودالااللہ‘‘کی ضربیں یہاں نہ لگانی شروع کردیں۔خیریہ تودلچسپی کے لئے ایسی بات کردی ورنہ میں بھی چشتی سلسلہ سے کچھ نہ کچھ تعلق رکھتاہوں۔
میراخیال یہ ہے کہ اس درمیان میرے ڈھیرسارے مضامین مختلف اخبارات اوررسائل وجرائدمیں شائع ہوئے ہیں اگرآپ حضرات اجازت دیں توان کورفتہ رفتہ ان صفحات میں پیش کرنے کی سعادت حاصل کروں؟
ہمیں آپ کی ہاں اورناں کاانتظاررہے گا۔بے تکلف ناں کہنے والوں کابھی اتناہی مشکورہوں گاجتنابہ تکلف ہاں کہنے والوں کا۔والسلام
خیراندیش
ناصرالدین مظاہری
۲۵؍محرم الحرام ۱۴۳۹ھ
ناصرالدین مظاہری
۲۵؍محرم الحرام ۱۴۳۹ھ