اے ارض دیوبند!

[احمدقاسمی]

اے ارض دیوبند!​

از تاج الدین اشعر رام نگری گولا گھاٹ، رام نگر، بنارس​

اے پاک اور حسین نظاروں کی سرزمین
اے مسجدوں کے شہر میناروں کی سرزمیں​

اے شرعِ مصطفی کی بہاروں کی سرزمیں
علم و عمل کے چاند ستاروں کی سرزمیں​

گل ہائے علم سے ہے ف معطرفضا تری!
میرعرب کو پہنچی تھی ٹھنڈی ہوا تری​

اے ہم وقارِ کو فہ وبغداد وتا شقند
دامن ترا علوم نبوت سے بہرہ مند​

اظہر کے بعد سب سے ہے ررتبہ ترا بلند
ہم تجھ پر ناز کرتے ہیں اےعرض دیوبند ​

یاں رازی و غزالی کے ہم پا یہ دفن ہیں
مٹی میں کتنے گنجے گراں مایہ دفن ہیں​

یہ شہر ہے کہ جلوہ گہِ عالم و آگہی
ایک داستان سناتی ہے اس کی ہر اک گلی​

شاداب ہےوہ" شجر ٔ رُمّان ، آج بھی
ہے جو گواہ برکتوو فیضان قاسمی ​

وصف اس کا اختصار میں یوں کیجئے بیاں
"پا کیزہ شہر اور خدا وند مہرباں "​

ارض وطن میں دیں کا نگینہ کہیں اسے
بہرے فتن میں حق کا سفینہ کہیں اسے​

اسرار معرفت کا خزینہ کہیں اسے
اعجازِ تاجدارِمدینہ کہیں اسے​

کرنیں یہاں کی دہر میں پہنچی جو دور سے
افاق جگمگا اٹھے سنت کے نور سے​

مضبوط تجھ سے دینِ متیں کی اساس ہے
ہر درس گاہ میں تری صفہ کی با س ہے ​

ہر شیخ اپنے فن میں معارف شناس ہے
روحِ ابو حنیفہ یہیں آس پاس ہے ​

گونجی ہوئی صدائیں ہیں قال الر سول کی ہوئی
ہوتی ہے شرحِ دیں کے فروع واصول کی​

لے آئی ہے مجھے نگہِ جستجوکہاں
بیٹھا ہوں کن بزرگوں کی قبروں کے درمیاں​

اللہ رے یہ صاحب اسرار ہستیاں
زیر زمیں دفن ہیں یہاں کتنے آسماں​

مٹی کو اس خطیرے کی اکسیر جاں کہوں
ظل بقیع پاک-بہ ہندوستان کہو ں​

گم سم کھڑا ہوں تربتِ قاسم کے روبرو
وہ دین کے ترجمان، اور ملت کی ابرو ​

تھا شاملی میں ل شکرِ باطل سے رو برو
ٹپکا تھا جس کی تیغ سے طاغوت کا لہو ​

تاریخ ہند کرتی ہے جھک کر اسے سلام
دیتا ہے انقلاب کا وہ آج پیام ​

درگاہوں کا شِکوہ ،نہ روضے ، نہ مقبرے
عرسوں کی دھوم دھام ، نہ لنگر نہ فا تحے ​

چادر نہ رسمِ قُل ، نہ چراغاں ، نہ قمقمے
قوالیوں کی تان نہ سازوں کے طنطنے​

اسلام کا جدیداڈیشن نہیں یہاں
ہے جلوہ بار عہدِ صحابہ کا دیں یہاں ​

کیا کیجئے بیاں صفتِ جامع رشید
بمر مر میں ڈھل گیا شکوہِ شہِ شہید ​

ہے آگرہ کے تاج کے نقشے کی بازدید
جمہور مسلمین کی ہے کوشش ِ سعید ​

منت کش ِ خزانۂ شاہی نہیں ہے یہ
گاڑھی کما یوں کا ہی نقشِ نگیں ہے یہ ​

دو گھاٹ ہوگئے ہیں مگر آب جو ہے ایک
شاخیں ہیں دو پھولوں میں مگر رنگ و بو ہے ایک ​

ساقی الگ ہیں، بادہ ہے اک اور سبو ہے ایک
اعضا ء ہیں ایک جسم کے، ان میں لہو ہے ایک​

اک رو شنی دو حصوں میں تقسیم ہو گئی
جلووں کی اس سے اور بھی تعمیم ہو گئی​