میں دیش کا کسان ہوں

احمدقاسمی

منتظم اعلی۔ أیدہ اللہ
Staff member
منتظم اعلی
میں دیش کا کسان ہوں

میں دیش کا کسان ہوں ،میں دیش کا کسان
بھارت کی اپنی شان ہوں ،میں دیش کا کسان

محنت سے بڑی میں نے ، یہ با غات سجائے
جلتےہوئے صحراؤں میں، گل میں نے کھلائے

بنجر جو زمیں تھیں ،وہاں پیڑ لگائے
سر سبز ہوئے کھیت ، جوبل میں نے چلائے

۔۔۔۔۔۔۔۔۔۔۔۔۔۔

حالت ہے مری کیسی میں ، کیا تم کو بتاؤں
کس طرح کہوں آج میں، گھر اپنا چلاؤں

کہہ دے جو زمانہ تو میں ، اپنا سناؤں
کیا مجھ پہ گذرتی ہے یہ، میں کیسے دکھاؤں

۔۔۔۔۔۔۔۔۔۔۔۔۔۔۔۔۔

کیا تم نے میرے کھیت کا گیہوں نہیں کھا یا
سوچو کیا میرا تم نے ہے احسان چکایا

اس دیش کو سونا مرے اس ہل نے بنا یا
محنت کا صلہ میری مگر مل نہیں پا یا

۔۔۔۔۔۔۔۔۔۔۔۔۔۔۔۔۔

پر چم حقیقتوں کا جھکایا نہ جائے گا
رتبہ مرا جہاں سے منایا نہ جائے گا

میں کوہ بے کراں ہوں ہلایا نہ جائے گا
میری صداقتوں کو چھپایا نہ جائے گا

۔۔۔۔۔۔۔۔۔۔۔۔۔۔۔۔۔

عادلؔ ہوں میں انصاف کی راہوں پہ چلوں گا
میں دیش کی عظمت پہ جیا اور مروں گا

جتا کے لیے کام میں ہر روز کروں گا
میں سامنے باطل کے کبھی بھی نہ جھکوں گا

محمد عادل فرازؔ ،علی گڑھ

 
Top