مستورات کے چہرہ پر جو غیر ضروری بال اگ جاتے ہیں ان بالوں کا نکالنا جائز ہے یا نہیں؟

[محمدداؤدالرحمن علی]

سوال نمبر: 1255


سوال:
مستورات کے چہرہ پر جو غیر ضروری بال اگ جاتے ہیں ان بالوں کا نکالنا جائز ہے یا نہیں؟

جواب نمبر: 1255

بسم الله الرحمن الرحيم



(فتوى:770/ج = 770/ج)


جی ہاں! مستورات کے چہرہ پر جو غیرمعتاد اور غیرضروری بال ہوں ان کا نکالنا جائز ہے۔




واللہ تعالیٰ اعلم


دارالافتاء،
دارالعلوم دیوبند

 

[زنیرہ عقیل]

حسین نظر آنے کے لیے بھنویں بنائی جاتی ہیں وہ جائز نہیں جو آجکل لڑکیاں دھاگے یا کسی اور چیز سے اکھاڑتے ہیں یا اَبرو کے اطراف سے بال اکھاڑ کر باریک دھاری بناتے ہیں جائز نہیں ہے اس کے علاوہ بیوٹی پارلر جا کر وہاں کی خواتین سے ستر والے مقامات کے بال صاف کروانا بھی جائز نہیں ہے

 

[زنیرہ عقیل]

عبداللہ بن مسعود رضی الله عنہ کہتے ہیں کہ نبی اکرم صلی اللہ علیہ وسلم نے لعنت فرمائی ہے گودنا گودنے والی اور گودنا گدوانے والیوں پر اور حسن میں اضافے کی خاطر چہرے سے بال اکھاڑنے والی اور اکھیڑوانے والیوں پر اور اللہ کی بناوٹ (تخلیق) میں تبدیلیاں کرنے والیوں پر۔

امام ترمذی کہتے ہیں:
۱- یہ حدیث حسن صحیح ہے،
۲- اس حدیث کو شعبہ اور کئی دوسرے ائمہ نے بھی منصور سے روایت کیا ہے۔

-----------------

عبداللہ بن عمر رضی الله عنہما سے روایت ہے کہ نبی اکرم صلی اللہ علیہ وسلم نے فرمایا: ”اللہ کی لعنت ہو بالوں کو جوڑنے والی اور جوڑوانے والی پر اور گودنا گودنے اور گودنا گودوانے والی پر“، نافع کہتے ہیں: گودائی مسوڑھے میں ہوتی ہے ۱؎۔
امام ترمذی کہتے ہیں:
۱- یہ حدیث حسن صحیح ہے،
۲- اس باب میں عائشہ، معقل بن یسار، اسماء بنت ابی بکر اور ابن عباس رضی الله عنہم سے بھی احادیث آئی ہیں۔ ہم سے محمد بن بشار نے بیان کیا، وہ کہتے ہیں: ہم سے یحییٰ بن سعید نے وہ کہتے ہیں: ہم سے عبیداللہ بن عمر نے نافع سے اور نافع نے ابن عمر کے واسطہ سے نبی اکرم صلی اللہ علیہ وسلم سے اسی (مذکورہ) روایت کی طرح روایت کی۔ مگر یحییٰ نے اس روایت میں نافع کا قول ذکر نہیں کیا۔


وضاحت: ۱؎: گودائی ہاتھ، پاؤں اور جسم کے مختلف حصوں پر ہوتی ہے، ممکن ہے نافع نے اپنے زمانہ کے رواج کو سامنے رکھ کر یہ بات کہی ہو کہ گودائی مسوڑھے میں ہوتی ہے۔