اس درود شریف سے متعلق دو مضمون نقل کرتا ہوں ۔ جس میں دو مختلف نقطہ نظر پیش کئے گئے ہیں ۔ اور دونوں کو مد نظر رکھنا چاہیے ۔
البتہ اس بارے میں آج کل کے اہل حدیث حضرات اور عرب کےاکثر سلفی علماء چونکہ یہ نظریہ اختیار کر چکے ہیں کہ ضعیف حدیث پر عمل بالکل نہیں ہوسکتا۔ان کے نزدیک عملاََ موضوع اور ضعیف ایک ہی جیسی ہیں۔ ان کے نزدیک اس عمل کی بالکل گنجائش نہیں ہے ۔ان کا اپنا نقطہ نظر ہے ضعیف احادیث کے بارے میں۔جو کہ ظاہر ہے نیا ہی ہے ۔ورنہ سلف و خلف جمہور علماء اور اہلحدیث کے پہلے اکابر علماء اورکئی عرب کے سلفی علماء بھی فضائل ، ترغیب و ترہیب ، میں ضعیف حدیث پر کسی درجہ میں عمل جائز ہونے کا نظریہ رکھتے ہیں۔اس کی تفصیلات کا موقع نہیں ۔
بہرحال اس میں حدود و قیود ضرور ہیں ۔۔جیسے کہ ان دو مضامین سے بھی ظاہر ہوں گی۔
پہلا مضمون۔ مفتی محمد رضوان ۔راولپنڈی کا ہے ۔
دوسرا۔۔۔۔مولانا عبد اللہ گل ۔ بنوری ٹاؤن
دوسرا مضمون۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مولانا عبد اللہ گل کے مضمون کے مطابق فضائل میں اسے بیان کرنے میں اور عمل کرنے میں حرج نہیں ہے ۔
کیونکہ یہ موضوع نہیں ہے ضعیف ہے ۔
اور مفتی رضوان کے مضمون میں سلفی عالم شیخ البانی ؒ کی بھی تحقیق ہے اور انہوں نے بھی اس کو موضوع نہیں کہا ۔حالانکہ وہ ایسے معاملات میں متشدد ہیں ۔
اور یہ کسی درجہ میں عمل اس اصل کے تحت بھی داخل ہے کہ جمعہ کے دن مطلق درود شریف کی صحیح احادیث میں بھی فضیلت آئی ہے ۔
نبی اکرم ﷺ نے ارشاد فرمایا : تمہارے دنوں میں سب سے افضل دن جمعہ کا دن ہے۔ اِس دن کثرت سے دُرود پڑھاکرو؛کیونکہ تمہارا دُرود پڑھنا مجھے پہونچایا جاتا ہے (مسند احمد، ابوداوٴد، ابن ماجہ، صحیح ابن حبان)۔
البتہ مفتی محمد رضوان صاحب کی یہ بات خاص طور پہ مد نظر رکھنا چاہیے کہ جس طرح آج کل بعض لوگوں کا مزاج بن چکا ہے کہ اس کو بہت بڑے پیمانے پہ بورڈ پوسٹر وغیرہ بنا کر لگاتے ہیں تشہیر کرتے ہیں ۔ اس طرح عوام میں کچھ زیادہ ہی رجحان بڑھ جاتا ہے ۔ حالانکہ زیادہ رجحان درود ابراہیمی وغیرہ پر ہونا چاہیے ۔
اس کی ایک اور مثال ۔۔ تراویح کے دوران پڑھی جانے والی ’’تسبیح تراویح ‘‘ جس طرح پوسٹر چھپتے ہیں اور عوام میں مشہور ہو چکی ہے ۔عوام اس کو تراویح کا حصہ سمجھنے لگے ہیں ۔۔۔
اس لئے ضرور توجہ دینی چاہیے کے ضعیف پر عمل اس کے درجہ میں ہی کرنا چاہیے ۔۔یعنی کبھی کبھی ، انفرادی طور پہ ، ۔۔
اور زیادہ اہتمام درود ابراہیمی وغیرہ کا ہو۔۔۔اگر کسی کو بتائیں تو اس کو بھی اس کا درجہ بتائیں ۔۔۔ واللہ اعلم
فورم پر موجود علماء میرے الفاظ کو ضرور دیکھ لیں ۔ چونکہ عالم نہیں ہوں ۔ اس لئے کوئی غلطی ہو یا کسی اصول کو غلط بیان کیا ہو تو ۔۔۔اس کی تصحیح ہو جائے۔