مفید مشورے

احمدقاسمی

منتظم اعلی۔ أیدہ اللہ
Staff member
منتظم اعلی
مفید مشورے

جہاں تک کام چلتا ہو غذا سے
وہاں تک چاہئے بچنا دوا سے

اگر تجھ کو لگے جاڑوں میں سردی
تو استعمال کر انڈے کی زردی

جو ہو محسوس معدے میں گرانی
تو پی لے سونف یا ادرک کا پانی

اگر ہو خون کم بلغم زیادہ
تو کھا گاجر، چنے، شلجم زیادہ

جو بدہضمی میں چاہے تو افاقہ
تو کر لے ایک یا دو وقت فاقہ

جو پیچش ہے تو پیچ اس طرح کس لے
ملا کر دودھ میں لیموں کا رس لے

جگر کے بل پر ہے انسان جیتا
اگر ضعف جگر ہے کھا پپیتا

جگر میں ہو اگر گرمی دہی کھا

اگر آنتوں میں خشکی ہے تو گھی کھا

تھکن سے ہوں اگر عضلات ڈھیلے
تو فورا دودھ گرما گرم پی لے

جو طاقت میں کمی ہوتی ہے محسوس
تو پھر ملتانی إصری کی ڈلی چوس

زیادہ گر دماغی ہے تیرا کام
تو کھایا کر ملا کر شہد بادام

اگر ہو دل کی کمزوری کا احساس
مربہ آملہ کھا اور انناس

اگر گرمی کی شدت ہو زیادہ
تو شربت پی بجائے آب سادہ

جو دکھتا ہے گلہ نزلے کا مارے
تو کر نمکین پانی کے غرارے

اگر ہے درد سے دانتوں کے بے کل
تو انگلی سے مسوڑھوں پر نمک مل

 
Top