بیت بازی کا کھیل

[محمد شہزاد حفیظ]

یہاں کوئی ایسا نہ ملا جس پر جان لٹا دیتے
ہر کسی نے دیا دھوکہ کس کس کو سزا دیتے

اپنا درد دل میں دبائے بیٹھے ہیں
اگر کرتے بیان تو محفل کو رلا دیتے

 

[راجہ صاحب]

یونہی فاصلوں کو سجائے رکھ یہی انتظار رہنے دے
میرے ذہن و دل کے سکون پر میرا اختیار رہنے دے

 

[محمد شہزاد حفیظ]

یہ جوانی جو تیرے نام سے بدنام رہی
اسے اپنانے کی کسی روز جرات کر لے

دے رہا ہے اجالے میری آنکھوں کے عوض
دل کی یہ ضد ہے پھر بھی یہ تجارت کر لے
​

 

[راجہ صاحب]

یوں تو وہ میری رگِ جاں سے بھی تھے نزدیک تر
آنسوؤں کی دھند میں لیکن نہ پہچانے گئے
خاطر غزنوی

 

[محمد شہزاد حفیظ]

یہ مجھے چین کیوں نہیں پڑتا
ایک ہی شخص تھا جہاں میں کیا

 

[راجہ صاحب]

اپنی تسبیح رہنے دے زاہد
دانہ دانہ شمار کون کرے
داغ دہلوی

 

[محمد شہزاد حفیظ]

یہ اجڑا ہوا دل اسی کی نشانی ہے
جو اپنے نام کی تختی لگا کے چھوڑ گیا​

 

[راجہ صاحب]

اچھی مری بدنامی تھی یا تری رُسوائی
گر چھوڑ نہ دیتا، میں پامالِ جفا ہوتا
مومن

 

[محمد شہزاد حفیظ]

اس کی جفائیں مجھ کو گھائل نہ کر سکیں
وہ جفا کر کے خود ہی میری ڈھال بھی ہوا

زخموں چور دل تھا لیکن سنبھل گیا
اس زندگی میں بارہا یہ کمال بھی ہوا

​

 

[راجہ صاحب]

ابھی ابھی تمہیں سوچا تو کچھ نہ یاد آیا
ابھی ابھی تو ہم اک دوسرے سے بچھڑے تھے
احمد ندیم قاسمی

 

[محمد شہزاد حفیظ]

یاد کرے گا زمانہ گزر جانے کے بعد
کرو کچھ ایسا جو کسی نے نہ ہو کیا

زندہ رہو دوسروں کے لئے
اپنی خاطر جیا بھی تو کیا جیا
​

 

[راجہ صاحب]

اک شخص اس طرح میرے دل میں اتر گیا
جیسے وہ جانتا تھا میرے دل کے راستے

 

[محمد شہزاد حفیظ]

یہ مانا ! آدمی بے شک ہے مجبورِ مشیت بھی
مگر تم ساتھ بینائی کے کھو بیٹھے بصیرت بھی

تعجب ہے ہوئے جاتے ہو تم مایُوس کیوں آخر؟
بھُلا دی تم نے اپنے دل سے کیا میری محبت بھی
​

 

[نورمحمد]

یہ مانا محبت زندگی برباد کرتی ہے
مگر کیا کم ہے کہ مرنے کے بعد دنیا یاد کرتی ہے​

 

[راجہ صاحب]

یہ جو پتھروں میں چھپی ہوئی ہے شبیہ یہ بھی کمال ہے
وہ جو آئینے میں ہُمک رہا ہے وہ معجزہ بھی تو دیکھتے

افتخار عارف

 

[نورمحمد]

یہی ہے عبادت یہی دین و ایماں
کہ کام آئے دنیا میں انساں کے انساں​

 

[راجہ صاحب]

ناٹک میں جیسے بکھرے ہوں کردار جابجا
امجد فضائے جاں میں ہے یوں بےقرار دُھند

 

[محمد شہزاد حفیظ]

دل ہی دل میں ڈرتا ہوں کچھ تجھے نہ ہوجائے
ورنہ راہِ اُلفت میں جائے جان تو جائے

میری کم نصیبی کا حال پوچھتے کیا ہو
جیسے اپنے ہی گھر میں راہ کوئی کھو جائے


(سرور عالم راز سرور)

 

[راجہ صاحب]

یہ رات بھی تو حقیقت ہے تلخ و تند و درشت
اسے سحر کا تصور مٹا نہیں سکتا
مجھے تو نیند نہیں آئيگی کہ میرا شعور
شبِ سیاہ سے آنکھیں چرا نہیں سکتا

احمد ندیم قاسمی

 

[محمد شہزاد حفیظ]

اک ذرہء حقیر کی قوت تو دیکھئے
تسخیر کائنات کو آساں بنا دیا

رُخ پر ترے ٹھہر کے مری چشم شوق نے
آرائش جمال کو آساں بنا دیا



(سید محمد حنیف اخگر - ہندوستان)