دعوت ولیمہ

[احمدقاسمی]

دعوت ولیمہ
​

دعوتی غم کے مارے ہو اور دل جلے​

ان کو پرواہ کی جب برتی بنے​

گوشت مرغے کا ہے گھی کا زردہ بھی ہے​

قوم تحقیر میں اپنی یہ غرق ہے ​

تجھکو دعوت ولیمہ سلام عرض ہے
​

​

ایک سادہ رجسٹر رکھا سامنے​

کوئی منشی لگا روپئے تھامنے ​

اس تمسک وتحریر کو کیا کہوں ​

نام تلائے اس کا میں کیا لکھوں​

تجھکو دعوت ولیمہ سلام عرض ہے
​

​

عقل ماری گئی رسم جاری ہوئی​

ایک ہو ٹل کھلا اور شادی ہو ئی​

لینے دینے میں سب وقت ضائع ہوا​

یہ خوشی ہی نہیں بلکہ ماتم ہوا​

اے مسلماں! ترا کیا یہی فرض ہے​

تجھکو دعوت ولیمہ سلام عرض ہے
​

​

جنگ میں بھی نمازیں نہیں ترک کیں​

وقت آیا تو سب نے نمازیں پڑھیں​

حکم مولیٰ کا ہے ہم نے ٹھکرا دیا ​

بیاہ منگنی میں سب طاق پر رکھ دیا ​

قلب میں کیا ترے دین کا درد ہے ​

تجھکو دعوت ولیمہ سلام عرض ہے
​

​

عقد میں اب تو بارات ہے لازمی ​

شرع سنت کو بھولا ہے یہ آدمی ​

شان وشیخی رہے دین کی فکر کیا؟​

اپنے اسلاف کے طرز کا ذکر کیا ​

ہائے سینے میں ماضی کا ہی درد ہے ​

تجھکو دعوت ولیمہ سلام عرض ہے
​

​

قرض لینے کی اب رسم ہے بن گئی ​

لیتے شادی میں ہیں بے ضرورت غنی ​

قرض لینے کی ہے ہم کو حاجت نہیں​

پھر بھی ہم منع کرتے کسی کو نہیں ​

قرض لینے میں ہر آدمی مست ہے ​

تجھکو دعوت ولیمہ سلام عرض ہے
​

​

اے شرافتؔ ! نہ مطلق تو دل گیر ہو​

کر نہ افسوس اتنا ، نہ غم گیر ہو ​

ایسے موقعوں پہ کر خرچ دل کھول کے ​

بخل ممنوع ہے دل میں یہ سوچ لے​

مکھی چوسی نہ اسلام کا طرز ہے ​

تجھ کو دعوت ولیمہ سلام عرض ہے
​

​

لیکن اسراف جا ئز نہیں ہے سنو​

اور تبذیر کو بھی اسی میں گنو​

ساری دنیا کا ہے اب یہی خاصہ​

کبر ونخوت کا چھایا ہر ایک پر نشہ ​

سوچ لو یہ نہ اسلام کا طرز ہے ​

تجھ کو دعوت ولیمہ سلام عرض ہے
​

​

بر تری اور تعلیٰ کا نہ ہو گماں​

جب تلک رہے زمیں تب تلک آسماں​

با ہمی یہ تعلق نہ ہوتا اگر ​

آتی حیوانیت ہر جگہ پر نظر​

زندگی خالساری کی ہو شرط ہے ​

تجھ کو دعوت ولیمہ سلام عرض ہے

​

جو نہ لازم تھا اس کو کیا لازمی ​

اب تو دنیا کے ایسے ہوئے آدمی ​

فرض وواجب کا کا کچھ خیال ان کو نہیں ​

کر تے من مانی ہر کام میں ہر کہیں​

ایسی من مانی کرنا برا فرض ہے ​

تجھ کو دعوت ولیمہ سلام عرض ہے
​

​

میرے آقا نے جو کچھ کہا وہ کیا ​

ان کا پکڑا جو دامن تو سب کچھ ملا ​

ہم کو عزت ملی ہم کو شاہی ملی​

چھوڑا دامن تو بس رو سیاہی ملی ​

سوچ لو کتنا سر کش یہی نفس ہے ​

تجھ کو دعوت ولیمہ سلام عرض ہے
​

​

منہ سے کہتے ہیں سنت پہ میرا عمل ​

پھر بھی ہر کام میں آپ دیتے دخل​

نفس سے گویا کہ آپ مغلوب ہیں​

اس لئے چاہتے دیگر اسلوب ہیں​

فیصلے کو مقر مگر حشر ہے ​

تجھ کو دعوت ولیمہ سلام عرض ہے
​

​

کیا صحابہ کے گھر شادیاں نہ ہوئیں​

ان کا کہنا ہے کیا وہ تھیں بالا نشیں​

پھول سہرا نہیں با جا گاجا نہیں​

زیب وزینت کی تھیں محفلیں نہ سجیں​

کرتے بدعت ہیں سب کہتے کیا حرج ہے ​

تجھ کو دعوت ولیمہ سلام عرض ہے
​

​

کھانے پینے کے شوقین ہیں اب سبھی ​

بعد کھانے کے کے پڑھتے دعا نہ کبھی ​

لے پلیٹ ہا تھ میں وہ کھڑے ہو گئے ​

گھوم پھر کر ، ٹہل کر ہیں وہ کھا رہے​

دین کا جوش ہر دل میں اب سرد ہے ​

تجھ کو دعوت ولیمہ سلام عرض ہے
​

​

قرض کو لوگ معمولی سمجھے ہیں اب​

ہے گناہ اس میں زیادہ نہیں جس کی حد​

قرض خواہ مر گیا یا کہ ہم مر گئے ​

قرض دار ہم تھے لیکن جد ا ہو گئے ​

کتنا بد خواہ ظالم یہی نفس ہے​

تجھ کو دعوت ولیمہ سلام عرض ہے
​

​

چھوڑو شیخی ، ریا، کبر اور فخر کو ​

اپنے مولیٰ کے نقشِ قدم پر چلو​

دل کو راحت ملے سرخ روئی ملے ​

یو نہی دنیا ملے ، یو نہی عقبیٰ ملے ​

نفس، اپنا نہ غم خوار وہمدرد ہے ​

تجھ کو دعوت ولیمہ سلام عرض ہے
​

​

کفو کا مسئلہ اب چھیڑا ہر کہیں​

اپنے آقا نے مانا تھا اس کو نہیں​

زیدؔ وزینبؔ کا تھا عقد کیسے ہوا ​

خود ہی سرور نے رشتہ یہ تھا طئے کیا ​

ہائے انسان میں اب یہ کیوں فرق ہے ​

تجھ کو دعوت ولیمہ سلام عرض ہے
​

سیکڑوں لڑکیاں بیٹھی رو رہیں ​

شکل وسیرت ہے لیکن جہیز ہے نہیں​

دھن کے اے لو بھیو ! بات میری سنو​

شرع دیتی نہ اس کی اجازت سنو​

کیوں یہ انسان کے دل میں بسی حرص ہے​

تجھ کو دعوت ولیمہ سلام عرض ہے
​

​

ایک لڑکی تھی دروازے پر کہہ رہی ​

میری بارات بھی ایک دن آئے گی ​

ماں کے زیور جو یک دم سے بک جائیں گے ​

کھیت میرے رہن جب کہ ہو جائیں گے ​

مفلسوں کی مدد کرنا ہی فرض ہے ​

تجھ کو دعوت ولیمہ سلام عرض ہے
​

​

عقد میں لڑکیوں کے نہ دعور روا​

نیوتہ لینا دینا ہے بالکل خطا​

یہ مدد ہی نہیں یہ ہے گندہ چلن​

ایسی بدعت کریں پھر بھی ہم ہیں مگن​

شرع کی رو سے ذلت کی یہ رسم ہے ​

تجھ کو دعوت ولیمہ سلام عرض ہے
​

​

جو تھا کہنا شرافتؔ! کہا میں نے سب ​

ہم سبھوں کو ہدایت تو دے میرے رب ​

دین کے راستے پر ہم سیدھے چلیں​

شرع کا پاس کر متقی ہم بنیں​

قوم بگڑی ہے دل میں یہی درد ہے ​

تجھ کو دعوت ولیمہ سلام عرض ہے
​

​

ایک لڑکی عمر جس کی پچاس تھی ​

اپنی ہم جو لیوں سے وہ تھی کہہ رہی ​

تم نے دیکھے ہیں دنیا کے رنگیں چمن ​

میرے سینے میں سب خواہشیں ہیں دفن​

باپ بیٹی کی فریاد سن دنگ ہے ​

تجھ کو دعوت ولیمہ سلام عرض ہے
​

​

ماں نے میری توجہ نہ کی آہ کی ​

باپ کو تھی ہمیشہ طلب جاہ کی ​

عمر گزری کسی نے نہ پرواہ کی ​

اب ضرورت نہیں ہے مجھے بیاہ کی ​

عمر میری ڈھلی چہرہ بھی زرد ہے ​

تجھ کو دعوت ولیمہ سلام عرض ہے
​

​

​

ہانکتازیٹ انسان ہے ہر جگہ ​

بیٹیوںکا بھی کچھ تو سنو فیصلہ ​

سانولے اور گورے کا جھگڑا یہ کیوں​

لڑکیوں سے بھی پو چھا نہیں تم نے کیوں​

یہ تو شادی کا یکدم غلط طرز ہے ​

تجھ کو دعوت ولیمہ سلام عرض ہے
​

​

چرندوں پرندوں کا جوڑا ضرور ​

درندوں کے جوڑوں میں بھی یہ سرور ​

ہائے ماں باپ کا وہ تکبر غرور ​

لڑکیوں کے لئے گھر بنایا قبور ​

عقل سے کام لو بس یہی فرض ہے ​

تجھ کو دعوت ولیمہ سلام عرض ہے

(بشکریہ ریاض الجنہ ، نومبر ۲۰۱۴

​