نعت

[احمدقاسمی]

نعت
رفعت شیداؔ صدیقی

حافظ قرآں مبارک آفریں ومرحبا۔۔۔٭۔۔۔اک عظیم الشان رتبہ آپ کو حاصل ہوا

آپ نے پورا کیا قرآن کا اک دور آج ۔۔۔٭۔۔۔آپ کے سر پر سجا یا رحمتوں کا رب نے تاج

حشر میں جب رب کی نعمتوں کو پائیں گے۔۔۔٭۔۔۔ساتھ اپنے خلد میں دس آدمی لے جائیں گے

خوش نصیبی آپ کی اور آپ کے ماں باپ کی ۔۔۔٭۔۔۔مل رہی ہے کا میابی دُنُیوی اور اُخروی​

ہے بصد تعظیم میری آپ سے یہ التجا ۔۔۔٭۔۔۔صدق دل سے کیجئے گا خدمتِ قرآں صدا

مرتبہ حفاظ کا ہوتا ہے اونچی شان کا۔۔۔٭۔۔۔ پاس رکھئےگا سدا، اللہ کے فرمان کا​

حفظِ قرآں کی فضیلت ہے بہت بے شک مگر۔۔۔٭۔۔۔ فہمِ قرآں بھی ضروری ہے میرے اے راہبر​

مقصد ومنشاء کیا ہے اللہ کے فرمان کا ۔۔۔٭۔۔۔فرض ہے یہ جا ننا ہر صاحبِ ایمان کا ​

وہ معلم وہ مربی جن پہ خود رب ہے فدا ۔۔۔٭۔۔۔لا زمی ہے اُن کی تعلیمات پر چلنا سدا

زندگانی کو ملے وہ ذوق وہ حُسن عمل ۔۔۔٭۔۔۔روح پا ئے شامانی کِھل اٹھے دل کے کنول ​

محسن انسانیت سے تربیت جن کو ملی ۔۔۔٭۔۔۔ اُن صحابہ سے ہدایت کی ملے گی روشنی ​

حُبّ آلِ مصطفیٰ سے قلب یوں سر شار ہو۔۔۔٭۔۔۔ سیرتِ سر کار ہی بس آپ کا معیار ہو ​

آپ کے اخلاق کی تو صیف کے دریا بہیں ۔۔۔٭۔۔۔آپ کو اپنے پرائے سب کے سب اپنا کہیں​

علم کے ہمراہ جب ہو نگیں عمل کی چا ہتیں ۔۔۔٭۔۔۔ ہوں گی حاصل آپ کو دونوں جہاں کی راحتیں

تا ابد شیداؔ جہاں میں حافظ قرآں رہیں

خادمِ قرآں رہیں اور صاحبِ ایماں رہیں ​