فخرِ کون و مکاں آپؐ کی ذات ہے
سرورِ دو جہاں آپؐ کی ذات ہے
عرش سے فرش تک گونجتی ہے صدا
رونق ِ کہکشاں ، آپؐ کی ذات ہے
خاتم الانبیاء آپؐ خیر الانام
رحمتِ دوجہاں آپؐ کی ذات ہے
مل گیاجن کو معراج کا معجزہ
واقفِ لامکاں آپؐ کی ذات ہے
جس کی آمد سے عالم اٹھے جگمگا
نور ِہر دو جہاں آپؐ کی ذات ہے
بے کسوں کے یتیموں کے والی ہیں آپ
حامئ بے کساں آپؐ کی ذات ہے
با وفا سے وفا بھی نبھاتے ہیں آپ
شافعِ عاشقاں آپؐ کی ذات ہے
مدح تیری بیاں کیا کرے گی زباں
ماورائے بیاں آپؐ کی ذات ہے
آرزوہے نَصَر کوحضور آپؐ کی
خواجہ ء خواجگاں ، آپؐ کی ذات ہے
17-10-11
محمد ذیشان نصر
