گماں سے ورا ہے مقامِ محمدﷺ
پیامِ خدا ہے پیامِ محمدﷺ
امانت ، دیانت، شرافت، صداقت
ہے بالا جہاں سے نظامِ محمدﷺ
شریعت خدا کی، چلن زندگی کا
سکھاتا ہے کیا کیا کلامِ محمدﷺ
زباں پر جو آئے وہ اسم ِ گرامی
تو واجب ہے پھر احترامِ محمدﷺ
کرم یہ خدا کا ہے ہم عاصیوں پر
کہ جاری ہے لب پر سلامِ محمدﷺ
ملی رب سے توفیقِ مدحت سرائی
بیاں کر رہا ہے غلام ِ محمدﷺ
ملی دل کو راحت ،سکوں زندگی کو
لیا جب بھی ذیشان، نامِ محمدﷺ
17-10-11
محمد ذیشان نصر
