اصلی داتا سے مانگ !

[ابو ثعبان]

رزاقِ جہاں ،رب تعالیٰ وہ ہے

جواد و غنی ، برتر وبالا وہ ہے​

کیوں مانگ رہا ہے مانگنے والوں سے

اللہ سے مانگ ! دینے والا وہ ہے​

(رنگ نظام از پیر نصیر الدین نصیر)

 

[ابو ثعبان]

ہر طرح کے مفلس و تونگر سے ملا

اس ٹوہ میں ہر کہتر و مہتر سے ملا ​

معلوم ہوا کہ سب کا داتا تو ہے

جو کچھ بھی ملا، ترے در سے ملا​

(رنگ نظام)

 

[ابو ثعبان]

خوشنو دی ، نہ غم پہ جی رہا ہوں اب تک

بیشی پہ ، نہ کم پہ جی رہا ہوں اب تک​

اے میرے کریم ! تیری عزت کی قسم

مَیں تیرے کرم پہ جی رہا ہوں اب تک

رنگِ نظام​

 

[ابو ثعبان]

جب تک ترے در پہ تھا ، ٹھکانے سے رہا

چُھوٹا ترا در ،تو بھیک پانے سے رہا​

ٹُھکرا کے اُٹھا دے ،کہ بٹھا لے در پر

مَیں اب کسی اور در پہ جانے سے رہا

رنگِ نظام​

 

[ابو ثعبان]

لینے کے لئے جہاں گیا ، کچھ نہ ملا

دیکھا ،بھالا، چلا ،پھرا ،کچھ نہ ملا​

پھر بھی ایسے بے ضمیر سائل کو

اک آہ پہ تیرے در سے کیا کچھ نہ ملا

رنگِ نظام​

 

[ابو ثعبان]

اے میرے خالق ومالک !

کیوں بابِ کرم اثر سے خالی جاؤں

کیوں آکے سخی کے گھر سے خالی جاؤں​

جب تُو نہیں پھیرتا کسی کو خالی

پھر مِیں کیوں تیرے در سے خالی جاؤں

رنگِ نظام​