محاسبہ ۔۔ زنیرہ گل

[زنیرہ عقیل]

محاسبہ
--------
حق کی خاطر لڑنا ہے
کیوں کہ آخر مرنا ہے
کفر سے ٹکرانا ہے
سچ کو ہی اپنا نا ہے
بس خدا سے ڈرنا ہے
کیوں کہ آخر مرنا ہے
حق گوئی شیوہ ہو اپنا
روح بھی پاکیزہ ہو اپنی
اب تو کچھ سنورنا ہے
کیونکہ آخر مرنا ہے
ماضی کی اغلاط بہت تھیں
حالانکہ محتاط بہت تھی
اُن زخموں کو بھرنا ہے
کیوں کہ آخر مرنا ہے
اللہ کو منہ دکھانا ہے
اک دن قبر میں جانا ہے
اک دن تو توبہ کرنا ہے
کیوں کہ آخر مرنا ہے
کیوں یہ وقت برباد کریں
کیوں نا رب کو یاد کریں
ہم کو آخر مرنا ہے
کفر سے ٹکرانا ہے
سچ کو ہی اپنا نا ہے
بس خدا سے ڈرنا ہے
کیوں کہ آخر مرنا ہے

زنیرہ گل