کرونا کے مریضوں کا دوسرے لوگوں کے ساتھ میل جول حرام ہے : مفتی اعظم
ریاض ۔۲۳ / اپریل ( ایجنسی ) سعودی عرب کے مفتی اعظم اور کبار علما کونسل کے چیئر مین الشیخ عبد العزیز بن عبد اللہ آل شیخ نے کہا ہے کہ کرونا وائرس کے شکارافراد کا دوسروں کے ساتھ میل جول رکھا حرام ہے
انہوں نے شہریوں اور غیر ملکیوں پر زور دیا ہے کہ وبا کی روک تھام کے لیے حکومت اور سرکاری اداروں کی طرف سے وضع کردہ شرائط اور ضوابط پر سختی کے ساتھ عمل کریں ۔ایک مفصل بیان میں مفتی اعظم سعودی عرب نے انسانی صھت کے تحفظ کے لیے دین اسلام کی تعلیمات اور ہدایات پر روشنی ڈالی ۔ ان ا کہنا تھا کہ صحت اللہ کی عظیم نعمتوں میں سے ایک گراں قدر نعمت ہے ۔ ہر انسان اکو اس کی قدر کرنی چاہئے ، نبی کریم ﷺ نے ارشاد فرمایا تھا کہ دو نعمتیں لوگوں کو بے حد مر غوب ہیں ۔ایک صحت اور دوسری فراغت ۔ جسمانی صحت عظیم نعمت ہے اور ہر انسان کو اس کی عظمت کا ادراک ہو نا چاہئے۔
اس لیے وباکے دنوں میں لوگوں کو چاہئے کہ وہ بیماری پھیلنے سے بچنے خود کو بچائے اور دوسروں کو بھی اس سےتحفظ دینے کی کو ششش کرے۔ اسلام وبا کے شکار افراد سے صحت مند افراد کی جانوں کی تحفظ پر زور دیتاہے ۔اس لیے شہریوں کو چاہئے کہ وہ اسلام کی تعلیمات پر عمل کرتے ہو ئے اپنی اور دوسروں کی حفاظت کرے ۔ وبا سے بچنے کے لے جسمانی صفائی کا خیال رکھنا بھی ضروری ہے ۔حضرت محمد ﷺ کا اس حوالے سے ارشاد گرامی ہے کہ صفائی ایمان کا حصہ ے ۔اس کے ساتھ ساتھ بیماری کے شکار افراد دوسرے لوگوں سے دور رہیں ۔اگر کوئی شخص مصدقہ طور پر وبا کا شکار ہو چکا ہے تو اسے چاہئے کہ کہ وہ " خود کو ہلاکت میں نہ دالو " کے قرآنی فرمان پر عمل کرے۔ (سالار)
