روز گلے کاٹتا ہے، روز جیب کاٹتا ہے۔
پھر بھی وہ نہ قاتل کہلاتا ہے نہ چور
۔۔۔۔۔۔۔۔
ایک باغ ہے ایک ہی دن کا
چوبیس اس میں پیڑ،
ساٹھ ٹہنیاں ہر پیڑ کی،
تو مت اس کو چھیڑ
پیارے پیارے پھول
بوجھ لے آج میری پہیلی
پھر نہ اس کو بھول
۔۔۔۔۔۔۔۔۔۔۔۔۔
راجا کے راج میں نہیں
مالی کے باغ میں نہیں
چھیلو تو چھلکا نہیں
کھاؤ تو گٹھلی نہیں
۔۔۔۔۔۔۔۔۔۔۔
رتی بھر اس کا پیٹ
کھا گئی سارا کھیت
۔۔۔۔۔۔۔۔۔۔۔۔۔۔
کبھی چھوٹا کبھی بڑا
بے سہارا فضا میں کھڑا
شب کو آئے دن کو جائے
بوجھنے والا مجھے بتائے
۔۔۔۔۔۔۔۔۔۔۔۔۔
دور دیس سے چل کر آیا
بن بولے سب کا حال سنایا
۔۔۔۔۔۔۔۔۔۔۔۔۔۔۔۔
مٹی سے نکلی اک گوری
سر پہ پتوں کی بوری
۔۔۔۔۔۔۔۔۔۔۔۔۔۔
وہ کیا ہے جو ہر ایک کھائے
سر کاٹو تو زہر بن جائے
۔۔۔۔۔۔۔
دیکھا ایک پرندہ
مگر نہیں ہے وہ زندہ
رنگت اس کی کالی
حالت خوب نرالی
آگ سے اوپر جائے
جاکر مینہ برسائے
۔۔۔۔۔۔۔۔۔۔۔۔
ٹک ٹک ٹک ٹک چلتی ہے یہ
بھوکی رہ کر پلتی ہے یہ
لوہا، پتھر ، ہیرے کھائے
یہ مت ٹھہرے چلتی جائے
۔۔۔۔۔۔۔۔۔۔۔
