میری پسندیدہ شاعری

[بےلگام]

رات جل اٹھتی ہے جب شدت ظلمت سے ندیم
لوگ اس وقفہ ماتم کو سحر کہتے ہیں

احمد ندیم قاسمی

 

[بےلگام]

نہ ہم رہے نہ وہ خوابوں کی زندگی ہی رہی
گماں گماں سی مہک خود کو ڈھونڈتی ہی رہی

 

[بےلگام]

اے باد صبا کچھ تو نے سنا
مہمان جو آنے والے ہیں
کلیاں نہ بچھانا راہوں میں
ہم آنکھیں بچھانے والے ہیں

 

[بےلگام]

اپنے اپنے نظرئیے میں انتہا کرتے ہیں سب
عدل یا انصاف کی بھی ابتداء کوئی تو ہو

 

[بےلگام]

واں خود آرائی کو تھا موتی پرونے کا خیال
یاں ہجومِ اشک میں تارِ نگہ نایاب تھا

غالب
______________

 

[بےلگام]

اے کاروان لالہ و گل تم کو یاد ہے
ہم میر کارواں تھے ابھی کل کی بات ہے

 

[بےلگام]

یہ کیسی آواز ہے جس کی زندہ گونج ہوں میں
صبح ازل میں کس نے امجد مجھے پکارا تھا

امجد اسلام امجد

 

[بےلگام]

اک شمع بجھائی تو کئی اور جلالیں
ہم گردش دوراں سے بڑی چال چلے ہیں

 

[بےلگام]

نکلنا خلد سے آدم کا سنتے آئے تھے لیکن
بہت بے آبرو ہو کر ترے کوچے سے ہم نکلے

مرزا اسداللہ خان غالب

 

[بےلگام]

یہ اپنا ظرف ہے وہاں بھی محبتیں بانٹیں
وہ شہر جس میں محبت کا کچھ رواج نہ تھا

 

[بےلگام]

اے صبا بعد فنا بھی ہے یہ خالق سے دعا
عوض خلد ملے کوچہ جاناں مجھ کو

 

[بےلگام]

وہ یہ کہتا ہے کہ انصاف ملے گا سب کو
جس نے منصف کو بھی سولی پہ چڑھا رکھا ہے

 

[بےلگام]

یہیں سے سیکھے تھے آداب زندگی میں نے
یہیں جبیں تھی کبھی اور یہیں زمیں تھی کبھی

صوفی تبسم

 

[بےلگام]

یہ دعا ہے کوی گلہ نہیں
مِرے ہمنشیں
مری زندگی
وہ گُلاب ے جو کھِلا نہیں
میں یہ سوچتا ہوں
خدا کرے
تُجھے زندگی میں وہ سُکھ مِلے
جو کبھی مُجھے بھی مِلا نہیں

 

[بےلگام]

نہ جانے اشک سے آنکھوں میں کیوں ہیں آئے ہوئے
گزر گیا زمانہ تجھے بھلائے ہوئے

 

[بےلگام]

یہ تمہاری کج ادائیاں کوئی اور سہہ کر دکھائے تو
یہ جو ہم میں تم میں نباہ ہے میرے حوصلے کا کمال ہے

 

[بےلگام]

یہ عکس داغ شکست پیماں ، وہ رنگ زخم خلوص یاراں
میں غمگساروں میں سوچتا ہوں کہ بات چھیڑوں کہاں کہاں سے

محسن نقوی

 

[بےلگام]

یہ عالم شوق کا دیکھا نہ جائے
وہ بت ہے یا خدا دیکھا نہ جائے

 

[بےلگام]

یہ کون لوگ ہیں موجود تیری محفل میں
جو لالچوں سے تجھے ، مجھ کو جل کے دیکھتے ہیں

 

[بےلگام]

یارو مرا شکوہ ہی بھلا کیجیے اس سے
مذکور کسی طرح تو جا کیجیے اس سے

خواجہ میر درد